Չինաստանը դժգոհ է Հնդկաստանին ռուսական Ս-400- ների մատակարարումից

Չինաստանի իշխանությունները դժգոհ են Հնդկաստանին Ս-400 զենիթահրթիռային համակարգեր մատակարարելու՝ Ռուսաստանի ծրագրերից: «Սինա» լրատվական գործակալության փոխանցմամբ՝ Պեկինը կարծում է, որ Հնդկաստանի և Չինաստանի սահմանի գոտում ՀՕՊ համակարգի հայտնվելը կուժեղացնի երկրների միջև հակամարտությունը, և նույնիսկ Ռուսաստանը կարող է ներքաշվել դրա մեջ:

Վերջին ամիսներին սրվել է լարվածությունը Հնդկաստանի և Չինաստանի միջև. 45 տարում առաջին անգամ բախումները հանգեցրել են զոհերի: Երկրները վիճարկում են Քաշմիրի հյուսիսում և Հնդկաստանի Արչունաչալ Պրադեշ նահանգի մի մասի տարածքների սեփականության իրավունքը. հայտնում է «Ռոսբալտ» -ը:

Ավելի վաղ Հնդկաստանը սահմանային գոտում տեղադրել էր «Ակաշ» ՀՕՊ համակարգերը: Այնուամենայնիվ, հզոր Ս-400-ը նկատելիորեն գերազանցում է նմանատիպ չինական համակարգերին, մասնավորապես, «Հունցի-9»-ին: Այս առումով ՉԺՀ-ն մտավախություն ունի, որ ռուսական զենքը կխաթարի տարածաշրջանում ուժերի հավասարակշռությունը և կհանգեցնի լուրջ հետևանքների: