ԱՄՆ-ը կարող է խնդիրներ ունենալ Մերձավոր Արևելքում ռուսական Ս-400-ների պատճառով

Ռուսաստանը պատրաստ է դիտարկել Իրանին իր Ս-400 համակարգերի վաճառքի հարցը։ Գործարքի դեպքում ԱՄՆ ռազմաօդային ուժերը կարող են խնդիրներ ունենալ Մերձավոր Արևելքում. գրում է The National Interest-ը։

Թեհրանի կողմից ռուսական հակաօդային համակարգերի գնումն անցանկալի է ԱՄՆ-ի համար. Ս-400-ի ժամանակակից մոդիֆիկացիաներում կիրառվում են նոր սերնդի թվային պրոցեսորներ և ռադարային սենսորներ: Նման համալիրները կարող են խոցել կործանիչները սթելս-տեխնոլոգիաներով:

«ԱՄՆ ռազմաօդային ուժերը կարող են խնդիրներ ունենալ, եթե Իրանը գնի ռուսական Ս-400-ներ։ Մերձավոր Արևելքում մեծ քանակությամբ Ս-400-ների առկայությունը լրացուցիչ սպառնալիքների աղբյուր կդառնա տարածաշրջանում գործող իսրայելական ինքնաթիռների համար»,- ասել է հրապարակման հեղինակ Քրիս Օսբորնը։

«Եթե Իրանը կարողանա ռուսական Ս-400-ների օգնությամբ հզոր պաշտպանական ցանց ստեղծել, ապա ԱՄՆ ավիացիայի համար սպառնալիք կառաջանա։ Օպերատիվ տեղեկատվություն փոխանցելիս ամերիկյան ինքնաթիռները խոցելի կլինեն։ Միացյալ Նահանգները կկորցնի թշնամիներից մեծ արագությամբ թաքնվելու առավելությունը»,- եզրափակել է Օսբորնը։