Ս-400-ների ամենամեծ գործարքը. Ռուսաստանը սկսել է Հնդկաստանի համար նախատեսվող Ս-400-ների արտադրությունը

ՌԴ-ն սկսել է Ս-400 զենիթահրթիռային կայանքների արդատրությունը, որոնք նախատեսված են Հնդկաստանի համար: Այս մասին, ըստ Yerkir.am-ի, հայտնում է «ՌԻԱ Նովոստին»՝ հղում անելով Ռուսաստանի Արդյունաբերության և առևտրի նախարար Դենիս Մանտուրովին:

Նախատեսվում է, որ Ս-400-ների մատակարարումը դեպի Հնդկաստան, կսկսվի 2025 թ.:

«Ռուսաստանը Հնդկաստանին կմատակարարի Ս-400-ները ժամկետների մեջ, որոնք նախատեսված են պայմանագրով: Բոլոր պարտավորությունները՝ այդ թվում վճարումները, ամբողջապես կատարվում են: Աշխատանքներ են տարվում նաև Հնդկաստանում ուսումնական կենտրոնի բացման ուղղությամբ», - նշում է Մանտուրովը:

Ռուսաստանն ու Հնդկաստանը զինատեսակի մատակարարման պայմանագիրը կնքել են 2018 թ. հոկտեմբերին: Գործարքը կազմում է 5.43 մլրդ դոլար, և ըստ դրա, կմատակարավի ԶՀԿ համակարգերի 5 գունդ:

Նշենք, որ Ռուսատանն արդեն ավարտում է Ս-400 ԶՀԿ-ների մատակարարումը Թուրքիային, որը սկսվել էր 2019 թ. հուլիսի 12-ին: