Ֆրանսիան Եվրոպայում փորձում է ստեղծել «հակաթուրքական ճակատ»

Ֆրանսիային չի հաջողվել ապահովել Թուրքիայի դեմ ՆԱՏՕ-ի աջակցությունը և փորձում է Եվրամիության տարածքում ստեղծել «հակաթուրքական ճակատ». նշում է թուրքական պետական Anadolu գործակալությունը:

Հոդվածի հեղինակները հայտնում են, որ ՆԱՏՕ-ի գլխավոր քարտուղար Յենս Ստոլտենբերգը խոստացել է, որ հետաքննելու են Փարիզի այն պնդումները,ըստ որի թուրքական նավը հետապնդել է ֆրանսիացիներին, երբ թուրքական ռազմանավերը Միջերկրական ծովով զենք էին տեղափոխում Լիբիայի ազգային համաձայնության կառավարությանը: Դաշինքն այդ որոշումը կայացրել է  Թուրքիայի արտաքին գործերի նախարար Մևլութ Չավուշօղլուի այն խոսքերից հետո, երբ նա Ֆրանսիայից ներողություն է պահանջել և հայտարարել, որ թուրքական ռազմածովային ուժերը, իբր, նույնիսկ օգնել են վառելիքով:

Այսպիսով, թուրք վերլուծաբանները նշում են, որ առանց ՆԱՏՕ-ից ցանկալի արդյունքի հասնելու, Փարիզը կշարունակի հակաթուրքական հռետորաբանությունը Եվրոպայում և փորձելու է ստանալ ԵՄ-ի աջակցությունը:

Թուրքիայի և Ֆրանսիայի միջև կոնֆլիկտը սկսվել էր հունիսի 17-ին, երբ երկու երկրների ռազմանավերի մասնակցությամբ միջադեպ տեղի ունեցավ Միջերկրական ծովում՝ Լիբիայի ափերին: Ֆրանսիան հայտարարել էր, որ թուրքական նավերն իրենց հրթիռներն ուղղել էին ֆրանսիական նավի վրա և նշել, որ թուրքերը զենք են տեղափոխում Լիբիա՝ ինչը ՄԱԿ-ի դրույթների խախտում է։