Պետք է ստեղծել հզոր միջազգային հակաահաբեկչական ճակատ. Պուտին

Պետք է համախմբել երկրների ջանքերը ահաբեկչության դեմ պայքարի մարտի դաշտում, ստեղծել հզոր միջազգային հակաահաբեկչական ճակատ: Այդ մասին հայտարարել է ՌԴ նախագահ Վլադիմիր Պուտինը «Աշխարհակարգ 2018» նոր փաստագրական ֆիլմում. հայտնում է РИА Новости-ն:

«Հաղթել կամ կոտրել ահաբեկչության ողնաշարն առանձին երկրում բավական չէ ահաբեկչության նկատմամբ ամբողջական հաղթանակի համար»,- ասել է նա:

ՌԴ նախագահը նշել է, որ ահաբեկչության խնդիրը չի կարելի լուծել միայն զենքի ուժով: Ըստ Պուտինի` հարկավոր է արմատախիլ անել ահաբեկչության առաջացման պատճառները: «Որո՞նք են այդ պատճառները` միջազգային հարաբերություններում անարդարություն, չքավորություն շատ երկրներում, ոչ պատշաճ կրթվածություն երիտասարդների  շրջանում»,- ասել է ՌԴ նախագահը: