Մեր հակառակորդները փորձում են պղտորել ջուրը, երկրորդ ճակատ բացել, իսկ մենք փորձում ենք կանխել ուկրաինացումը երկրում․ Կոբախիձե

Վրաստանի վարչապետի մեծ հարցազրույցը «օտարերկրյա գործակալների» մասին օրենքի շուրջ ստեղծված իրավիճակի մասին։

Գլխավորը Իրակլի Կոբախիձեի՝ Առաջին ալիքի հայտարարություններից․ գրում է Sputnik Грузия-ն։

• Վենետիկի հանձնաժողովն ամբողջությամբ հրաժարվել է մասնագիտական էթիկայից։ Որպես իրավաբան կարող եմ ասել, որ եզրակացության մեջ մենք տեսանք անհեթեթ և սուտ հայտարարություններ, դրանք օրենքով բացարձակապես չունեն փաստարկներ։
• ՀԿ-ների լուծարումն օրակարգում չէ.միայն տուգանք՝ «օտարերկրյա գործակալների» մասին օրենքին չենթարկվելու համար։ Եթե նրանք տարեկան հաշվետվություն չներկայացնեն իրենց եկամուտների մասին, դա կանի Արդարադատության նախարարությունը։
• Այս երկու ամիսների ընթացքում գործընթացներն այնպես են ընթացել, որ հնարավորություն չի եղել քննարկել օրինագիծը։ Ես անձամբ դեսպաններին առաջարկել եմ հանրության առաջ միասին քննարկել օրինագծի բովանդակությունը, առաջարկել եմ երիտասարդներին բանավիճել, բայց ոչ ոք չի համարձակվել ուղիղ եթերում ելույթ ունենալ։
• Մեր ընդդիմախոսներին ձեռնտու չէր օրինագծի բաց քննարկումը, երբ ընդդիմությունը դա անում է երկրի ներսում, դա հասկանալի է, բայց անհասկանալի է, երբ օտարերկրյա դիվանագետները նույնն են անում։
• Անթափանցիկությունը հիմնական գործիքներից մեկն էր, որը թույլ տվեց կոնկրետ սուբյեկտներին երկու անգամ փորձել հեղափոխություն իրականացնել երկրում։
• ՀԿ-ն քաղաքական գործիք է, որն օգտագործվում է երկրներում քաղաքական նպատակների իրականացման համար, ոչ մեկին չի ուրախացնում իրենց ֆինանսների թափանցիկությունը։
• Հավաքական «ազգային շարժման» խնդիրն է ապրել արմատականության պայմանների երկրում, փորձել հեղափոխություններ կազմակերպել և, ի վերջո, արտաքին օգնության շնորհիվ վերականգնել իշխանությունը։
• «Վրացական մայդանը» կհանգեցնի սարսափելի հետեւանքների։ Մեր հակառակորդները փորձում են պղտորել ջուրը, երկրորդ ճակատ բացել, իսկ մենք փորձում ենք կանխել ուկրաինացումը երկրում։
• Հույս ունենք, որ ԱՄՆ-ն և ԵՄ-ն առաջիկա տարիներին կկարողանան ձերբազատվել ապաօլիգարխացումից։