Որքա՞ն գումար է անհրաժեշտ կորնավիրուսի դեմ արդյունավետ պատվաստանյութ ստանալու համար. ԱՀԿ

Առողջապահության համաշխարհային կազմակերպությունը և միջազգային գործընկերները հայտարարություն են տարածել այն մասին, որ հաջորդ տարվա ընթացքում «Կովիդ-19»-ի դեմ արդյունավետ և հասանելի պատվաստանյութ մշակելու համար ավելի քան 31 մլրդ դոլար անհրաժեշտ կլինի. այս մասին գրում է Корреспондент-ը՝ ՄԱԿ-ի կայքին հղումով։ 

Հայտարարությունում, մասնավորապես, ասվում է.

«Հաջորդ 12 ամսիների ընթացքում ավելի քան 31 մլրդ դոլար կպահանջվի դեղամիջոցների մշակման համար, որոնք արդյունավետ կլինեն կորոնավիրուսի դեմ»։ 

Այս առբրությամբ ԱՀԿ-ի գլխավոր տնօրեն Թեդրոս Ադհանոմ Գեբրեյեսուսի պնդմամբ՝ աշխարհում ներկա պահին 200 հավանական պատվաստանյութ են մշակում և փորձարկում:  

Բացի այդ, ըստ ԱՀԿ գլխավոր գիտաշխատողի, արդյունավետ պատվաստանյութի մշակման և արտադրության գործընթացը մինչև տասը տարի ժամկետ է պահանջում, սակայն ներկայիս պայմաններում ԱՀԿ-ն դրա համար 12, առավելագույնը 18 ամիս է հատկացնում: