Հ․Յ․Դ․ Հարաւային Ամերիկայի Կեդրոնական Կոմիտէն յարգանքի տուրք մատուցեց Շուշիի ազատագրութեան համար ինկած նահատակներու յիշատակին

Պուէնոս Այրէս.- Շուշիի ազատագրութեան տօնախմբութիւնը Հարաւային Ամերիկայի երեք հայաշատ երկիրներուն մէջ՝ Արժանթին, Ուրուկուայ և Պրազիլ, տեղի ունեցաւ միայն առցանց: Նախորդ տարիներուն այդ օրուան միջոցառումները քաղաքական հաւաք թէ ընկերային-ժողովրդային խրախճանք կարելի չեղաւ իրականացնել՝ համավարակի պատճառով հաստատուած շրջաքայութեան արգելքին պատճառով: Շրջանի Կոմիտէները ամբողջ օրուայ ընթացքին սոցիալական ցանցերու միջոցաւ տարածեցին օրուայ խորհուրդին անդրադարձող պատգամներ և Արցախի ազատամարտի նուիրուած գեղարուեստական յայտագիրներ:

ՀՅԴ Հարաւային Ամերիկայի Կեդրոնական Կոմիտէն հրապարակեց սպաներէնով յայտարարութիւն մը, ուր մասնաւորաբար համոզում կը յայտնէր որ Արցախի հարցի լուծման տարբերակէն կախում ունի հայ ազգի ապագան և ողջոյնի խօսք կը յղէ սահմապահ զինուորներուն: Կեդրոնական Կոմիտէէն անդամ մը այցելեց Պուէնոս Այրէսի Սուրբ Գրիգոր Լուսաւորիչ Մայր Տաճարի փակին մէջ գտնուող Արցախի ազատամարտի նահատակներու յուշակոթողին և կուսակցութեան ու գաղափարակից կազմակերպութիւններու անունով յարգանքի տուրք մատուցեց անոնց յիշատակին:

Մէկ օր առաջ, Հ. Յ. Դաշնակցութիւնն ու գաղափարակից կազմակերպութիւնները միացած էին արժանթինահայ համայնքի հաստատութիւններու համախմբումի (IARA) միացեալ յայտարարութեան՝ Մայիս 9 Յաղթանակի և Խաղաղութեան Տօնին առիթով ողջունելով Երկրորդ Համաշխարհային Պատերազմին դաշնակիցներուն յաղթանակի, Շուշիի ազատագրման և Արցախի Բանակի ստեղծման տարեդարձները: