Իրանում նոր տիպի կորոնավիրուսից ամեն 10 րոպեն մեկ մարդ է մահանում

Իրանում նոր տիպի կորոնավիրուսից ամեն 10 րոպեն մեկ մարդ է մահանում: Այս մասին իր թվիթերյան էջում գրել է Իսլամական Հանրապետության առողջապահության նախարարության պաշտոնական ներկայացուցիչ Քիյանուշ Ջահանպուրը.  տեղեկացնում է yerkir.am-ը`  EADaily-ին հղումով:

Նա նաև հավելել է, որ ամեն ժամ ավելի քան 80 մլն բնակչություն ունեցող երկրում վարակվում է 50 քաղաքացի:

Իրանի առողջապահության նախարարությունն իրանցիներին կոչ է արել Նովրուզի տոնակատարության օրերին հրաժարվել ցանկացած ուղևորությունից:

Իրանում մեծ արձագանք է ստացել Թեհրանի հիվանդանոցների մեկի բժիշկ Շիրին Ռուհանիրադի մահը կորոնավիրուսից: Իրանական հեռուստատեսությամբ հեռարձակվում էր բժշկուհու բուժման ընթացքը, ընդ որում ` նա դեռ շարունակում էր հետազոտել հիվանդներին: Իր վերջին հարցազրույցներից մեկումՌուհանիրադը պատմել էր, թե ինչ ջանասիրությամբ ու ծանրաբեռնվածությամբ է աշխատում բուժանձնակազմը, և որ իրեն փոխարինող չեն կարողանում գտնել, այդ պատճառով շարունակում է աշխատել:

Համաճարակի սկզբից Իրանում մահացել է  10 բժիշկ և 4 բուժքույր:

Ըստ Իրանի առողջապահության նախարարության վերջին տվյալների` կորոնավիրուսի զոհերի թիվը երկրում  1135 է, վարակված է 17361  մարդ: