Կրակել է իր շան վրա հարձակված թափառական շների ուղղությամբ

Ոստիկանության Կենտրոնական բաժնի ՔՀԲ ծառայողները մարտի 2-ին օպերատիվ տվյալներ են ստացել, որ Աղայան փողոցի շենքերից մեկի բակում մի երիտասարդ կրակում է շների վրա:

Ոստիկանությունից Yerkir.am-ին հայտնում են, որ իրացնելով օպերատիվ տվյալները՝ ժամը 13.10-ին նշված վայրից, խուլիգանություն կատարելու կասկածանքով, ոստիկանները բերման են ենթարկել 32-ամյա տղամարդու, որի մոտից հայտնաբերվել է օդաճնշիչ ատրճանակ:

Պարզվել է, որ նա իր շան վրա հարձակված թափառական շներին վախեցնելու նպատակով, բացահայտ անհարգալից վերաբերմունք դրսեւորելով հասարակության նկատմամբ, երկու անգամ կրակել է օդամղիչ ատրճանակից, որոնցից մեկը՝ շների ուղղությամբ:

Նշանակվել է դատաձգաբանական փորձաքննություն:

Նախապատրաստվում են նյութեր: