Արեյանը քանի՞ թափառական շան է դեմքով ճանաչում, որոնք եկել են մարզերից

Քիչ առաջ, դիտելով «ԱրմՆյուզ»-ը՝ լսում էի Երևանի փոխքաղաքապետ պարոն Կամո Արեյանի մամլո ասուլիսը: 

Հետաքրքիր բացահայտում եղավ ինձ համար: Պարզվում է, որ Երևանի բյուջեով թափառական շների դեմ պայքարի համար ծախսվող ֆինանսական միջոցներն ավելին են, քան վերելակային տնտեսության պահպանման համար նախատեսված միջոցները:

Եվ պարզվեց, որ Երևանում թափառող շների ավելացման համար մեղավոր են մարզային իշխանությունները, որոնք համապատասխան քայլեր չեն ձեռնարկում, որի հետևանքով էլ թափառական շները շրջաններից գալիս են մայրաքաղաք: Փաստորեն Երևանի անտեր շները մարզերից մայրաքաղաք արտագնա աշխատանքի եկածներ են: Կարճ ասած՝ խոպանչի են:  )))

Այստեղից հարց է առաջանում. պարոն փոխքաղաքապետը քանի՞ թափառական շան է դեմքով ճանաչում, որոնք եկել են ՀՀ մարզերից: