Թեհրանը Մոսկվայից օգնություն է խնդրել կորոնավիրուսի դեմ պայքարի համար

Ռուսաստանում Իրանի դեսպան Կազեմ Ջալալին ասել է, որ Իրանի Իսլամական Հանրապետությունը Ռուսաստանի Դաշնությունից օգնություն է խնդրել նոր տեսակի կորոնավիրուսի դեմ պայքարում. հայտնում է Yerkir.am-ը՝ ՌԻԱ «Նովոստի»-ին հղումով:

«Մենք ողջունում ենք բոլոր երկրներից մարդասիրական օգնությունը, ներառյալ մեր պես մտածող մարդկանց կողմից»,- ասել է դիվանագետը:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին:

Այս պահի դրությամբ Հայաստանում կորոնավիրուսով վարակման 1 հաստատված դեպք կա, իսկ հարևան Իրանում՝ 1.501: