Իրանը Արժույթի միջազգային հիմնադրամից 5 մլրդ դոլար է խնդրել կորոնավիրուսի դեմ պայքարի համար

Իրանի իշխանությունները Արժույթի միջազգային հիմնադրամից 5 մլրդ դոլար են խնդրել կորոնավիրուսի դեմ պայքարելու համար. տեղեկացնում է yerkir.am-ը՝ Իրանի Կենտրոնական բանկի ղեկավար Աբդոլնասեր Հեմաթիի «Ինստագրամ»-ին հղումով:

Հեմաթին տեղեկացրել է, որ մարտի 6-ին դիմել է ԱՄՀ ղեկավարին և խնդրել «գործի դնել արագ ֆինանսավորման գործիքն ու տրամադրել մոտ 5 մլրդ դոլար»: Նա մանրամասնել է, որ գումարն ուղղվելու է ոչ միայն կորոնավիրուսի համաճարակի դեմ պայքարին, այլ նաև դրա տնտեսական հետևանքների վերացմանը:

Այդ տեղեկությունը հաստատել է նաև Իրանի ԱԳ նախարար Մոհամադ Ջավադ Զարիֆը:

Իրանում մարտի 12-ի դրությամբ գրանցվել է վարակի 9 հազար դեպք, մահացել է 354 մարդ: