Դավիթ Տոնոյանի հորդորով` մահացած զինծառայողի հարազատները վերադառնում են գյուղ՝ զինծառայողին հուղարկավորելու

Հունվարի 30-ին Արցախում մահացած զինծառայող Վահրամ Ավագյանի հարազատները ՀՀ Պաշտպանության նախարար Դավիթ Տոնոյանի հորդորով դադարեցրեցին բողոքի ակցիան։ Նրանք վերադառնում են Արմավիրի մարզի Հայթաղ գյուղ՝ զինծառայողին հուղարկավորելու:

«Պարոն Տոնոյան Ձեր հանդեպ մեծ հարգանք կա և խնդրում ենք, որ այդ հարգանքը մինչև վեջ մնա»,- ասացին հարազատները:

Դավիթ Տոնոյանը նշեց, որ ինքն էլ կմասնակցի հուղարկավորությանը:

Նշենք, որ այսօր առավոտյան զոհված զինվորի հարազտաները, համագյուղացիները  երթով հասել են Երևան՝ Արգավանդի խաչմերուկ և պատրաստվում էին զինծառայողի դագաղը տեղափոխել պաշտպանության նախարարության դիմաց՝ ի նշան բողոքի։ Զինծառայողի հարազատները չեն հավատում մահվան պաշտոնական` ինքնասպանության վարկածին:

Ոստիկանները, սակայն, նրանց թույլ չտվեցին առաջ գնալ։ Հարազատների հետ հանդիպեց պաշտպանության նախարար Դավիթ Տոնոյանը։