Ռուսաստանը Թուրքիային չի հանձնի Ս-400-ների արտադրման տեխնոլոգիան

Ռուսաստանը Ս-400 ՀՕՊ ԶՀԿ-ների խմբաքանակի հետ միասին Թուրքիային մատակարարել է նաև ավելի քան 120 զենիթային «Տրիումֆ» հրթիռներ. այս մասին, ըստ Yerkir.am-ի, հայտնում է «ՏԱՍՍ» գործակալությունը՝ անանուն ռազմադիվանագիտական աղբյուրին հղում անելով:

«Թուրքիան ստացել է Ս-400 երկու դիվիզիոն, ավելի քան 120 զենիթային հրթիռ, ինչպես նաև օժանդակ սարքավորումներ, պահեստամասեր», - հայտնում է զրուցակիցը: Ըստ նրա՝ զինատեսակի արտադրման տեխնոլոգիա չի փոխանցվել Թուրքիային՝ ինչպես, որ ավելի վաղ տեղեկություններ էր տարածվել:

Ըստ ՌԴ-Թուրքիա պայմանագրի՝ Ռուսաստանը պարտավոր է 20 ամսով սպասարկել Թուրքիայում տեղակայված համալիրները: