Դա անելու բան չի, որ անում են. Ծառուկյանը՝ ծննդատների փակման մասին

ՀՀ ԱԺ ԲՀԿ խմբակցության ղեկավար Գագիկ Ծառուկյանը լրագրողների հետ ճեպազրույցի ժամանակ անդրադարձել է Առողջապահության նախարարության՝ Հայաստանում բազմաթիվ ծծնդատներ փակելու որոշմանը:

«Դա վատ եմ գնահատում, քանի որ, մենք ուզում ենք, որ ներգաղթ լինի, տնտեսական հեղափոխություն լինի, եթե 30-35 գյուղի սպասարկում է այդ հիվանդանոցը, դա ճիշտ չի, այլ հակառակը դա պետք է պահվի, զարգացվի, այնպես որ դա անելու բան չի, որ անում են»,-ասաց ԲՀԿ ղեկավարը:

Ծառուկյանը նաև անդրադարձավ Սահմանադրական բարեփոխումների գործընթացի մեկնարկին՝ նշելով, որ, 2015 թ. ԲՀԿ գլխին եկածը հենց սահմանադրական փոփոխությունների պատճառով էր. «Ես ասում էի, որ պատերազմող երկրում այդպիսի բան չպետք է լինի։ Ես դեմ էի, բայց ոչ մի քաղաքական ուժ ինձ չպաշտպանեց։ Ես ասեցի՝ եթե այդպես է, քաղաքական էջը կարող եմ ծալել։ Երբ սահմանադրական փոփոխությունների հայեցակարգի հետ ծանոթանանք, մեր առաջարկները կանենք, դիրքորոշում կհայտնենք», - նշեց Գագիկ Ծառուկյանը: