Իրանը հերքում է, որ ինքնաթիռի կործանման պատճառը իրանական հրթիռն է

Իրանի կառավարության պաշտոնական ներկայացուցիչ Ալի Ռաբեյը զրպարտանք է անվանել այն հայտարարությունները, որում մեղադրում են Իրանին ուկրաինական «Բոինգ 737» ինքնաթիռը իրանական հրթիռով խոցելու համար. ըստ Yerkir.am-ի՝ հայտնում է իրանական Press TV հեռուստաալիքը։

Ավելի վաղ Մեծ Բրիտանիայի վարչապետ Բորիս Ջոնսոնը և Կանադայի վարչապետ Ջասթին Թրյուդոն հայտարարել էին, որ կան ապացույցներ, որոնք փաստում են, որ ինքնաթիռը խոցվել է իրանական հրթիռով։

Իրանը հրավիրել է բոլոր շահագրգիռ կողմերին՝ ԱՄՆ-ին, Կանադային, Ուկրաինային և Բոինգ կազմակերպությանը՝ գալ և մասնակցել ընթացող հետաքննությանը՝ ինքնաթիռի կործանման վերաբերյալ։

«Մենք ողջունում ենք բոլոր երկրների մասնակցությունը հետաքննությանը , որոնք կորցրել են իրենց քաղաքացիներին դժբախտ պատահարի հետևանքով», - հայտարարել է Ռաբեյը։