«Այս օրը պատմության մեջ». դեկտեմբերի 20

Yerkir.am-ը ներկայացնում է «Այս օրը պատմության մեջ» նախագիծը, որի շրջանակներում ամեն օր կներկայացնենք տվյալ օրվա իրադարձությունները:

Դեկտեմբերի 19

1864 թ. դեկտեմբերի 20-ին է ծնվել հայ օպերային երգիչ Ստեփան Եգիզարովը:

Ստեփան Եգիզարովն ավարտել է Լազարյան ճեմարանը։ 1885 - 1889 թվականներին մշակել է ձայնը Մոսկվայի կոնսերվատորիայում, իսկ 1889 - 1891 թվականներին սովորել է Կոմիսարժևսկու օպերայի և դրամատիկական ուսումնարանում։ 1901 թվականից Սանկտ Պետերբվուրգի Ժողովրդական տան մեներգիչ էր Ա. Շաֆերի «Գնչուներ» օպերայի Երիտասարդ գնչուի առաջին մենակատարն է, նաև մասնակցել է «Վոլգայի վրա» օպերայի պրեմիերային։

1934 թ. այս օրն է մահացել արևելագետ, հայագետ, լեզվաբան և հնագետ Նիկողայոս Մառը:

1904 թ իրականացրել է Հայաստանի հնագույն մայրաքաղաքներից մեկի՝ Անիի պեղումները, ինչպես նաև հետազոտել է հին հայկական և վրացական գրականությունը։ 1910-1911 թվականներին Սիմիռնովի և ճարտարապետ Ռոմանովի հետ պեղումներ կատարեց Գառնիի հեթանոսական տաճարի ավերակներում։

1938 թ. դեկտեմբերի 20-ին ԽՍՀՄ-ում գործածության մեջ դրվեցին Աշխատանքային գրքույկները:

1988 թ. դեկտեմբերի 20-ին ֆրանսիական հեռուստատեսությամբ առաջին անգամ կատարվեց «Քեզ համար, Հայաստան» երգը, որի խոսքերի հեղինակն է ֆրանսահայ շանսոնյե Շառլ Ազնավուր:

«Քեզ համար, Հայաստան» երգը գրվել է 1988 թվականի դեկտեմբերի 7-ին Հայաստանում ավերիչ երկրաշարժից տուժածներին օգնելու նպատակով։ Գրվել է աղետից մի քանի օր անց։ Երաժշտության հեղինակն է Ժորժ Կառվարենցը, խոսքի հեղինակն է Շառլ Ազնավուրը։

Առաջին անգամ կատարվել և ձայնասփռվել է ֆրանսիական հեռուստատեսությամբ 1988 թվականի դեկտեմբերի 20-ին, Ֆրանսիայի 87 նշանավոր երգիչների կատարմամբ։ 1989 թվականին Փարիզում Ժորժ Կառվարենցը «Քեզ համար, Հայաստան» երգի երաժշտության համար արժանացել է «Ոսկե սուր» (Սաբղ դ'օր) մրցանակի։ Երգը 10 շաբաթ գրավել է սինգլների SNEP (Ֆրանսիա) աղյուսակի առաջին հորիզոնականը և գրանցվել Գինեսի ռեկորդների գրքում, քանի որ գրավել է առաջին տեղը հեռարձակման առաջին շաբաթից։ Երգի տեսահոլովակը նկարել է Անրի Վեռնոյը։

1999 թ. այս օրը Պորտուգալիան Մակաուն հանձնեց Չինաստանի Ժողովրդական Հանրապետությանը:

Մակաոն հատուկ կարգավիճակով կառավարվող քաղաք՝ Չինաստանի հարավ-արևելքում, Հարավչինական ծովի ափին, Սիցզյանի գետաբերանում։ Մինչև 1999 թվականը գործել է որպես պորտուգալական տիրույթ։ Մակաոն ընդգրկում է համանուն թերակղզին, Թայպա, Կոլոանե կղզիները։

1557-ին Պորտուգալիան Աոմինը վարձակալել է Չինաստանից, իսկ 1849-ին՝ հայտարարել նրա լրիվ անջատումը։ 1951-ին ստացել է Պորտուգալիայի «անդրծովյան տերիտորիայի» ստատուս։