«Այս օրը պատմության մեջ». դեկտեմբերի 19

Yerkir.am-ը ներկայացնում է «Այս օրը պատմության մեջ» նախագիծը, որի շրջանակներում ամեն օր կներկայացնենք տվյալ օրվա իրադարձությունները:

Դեկտեմբերի 19

1906 թ. դեկտեմբերի 19-ին է ծնվել հայ մաթեմատիկոս, ակադեմիկոս և մանկավարժ Արտաշես Շահինյանը։

Շահինյանի աշխատանքներով Հայաստանում սկիզբ են դրվել մաթեմատիկայի բնագավառի համակարգված գիտական հետազոտություններին։ Շահինյանի անունով են կոչվել ԵՊՀ-ին կից իր նախաձեռնությամբ ստեղծված ֆիզմաթ թեքումով Արտաշես Շահինյանի անվան ֆիզմաթ դպրոց (1978 թվականից), փողոցներ Երևանում և Գյումրիում, 1999 թվականին Գյումրիում կանգնեցվել է հուշակոթող։ 1978 թվականին ԵՊՀ-ում սահմանվել Է Շահինյանի անվան կրթաթոշակ։

1909 թ. այս օրն ստեղծվեց «Բորուսիա Դորտմունդ» գերմանական ֆուտբոլային ակումբը:

Դորտմունդի Բորուսիան գերմանական ֆուտբոլային ակումբ է։  Այն հիմնադրվել է 1909 թվականի դեկտեմբերի 19-ին, Կայզերական Գերմանիայի Դորտմունդ քաղաքում։ Մարզիչը ավստրիացի մասնագետ Պետեր Շտյոգերն է։ Թիմի սեփականատերն է Ռայնհարդ Ռաուբալը։ Թիմի սպորտային տնօրենն է Հանս-Յոահիմ Վացկեն։ Թիմի կարգախոսն է Echte Liebe-ն (Իրական սեր)։ Մարզադաշտն է Սիգնալ Իդունա Պարկը (Վեսթֆալենշտադիոն)։

Թիմի անդամ է եղել նաև հայ ճանաչված ֆուտբոլիստ Հենրիխ Մխիթարյանը։ 

1944 թ. դեկտեմբերի 19-ին լույս տեսավ ֆրանսիական «Լե Մոնդ» օրաթերթի 1-ին համարը: 

Օրաթերթը Նախատեսված է մտավորականության և լիբերալ բուրժուազիայի համար, բուրժուական օբյեկտիվիզմի դիրքերից լայնորեն լուսաբանում է ինչպես Ֆրանսիայի, այնպես էլ միջազգային քաղաքական իրադարձությունները։

1946 թ. այս օրն սկսվեց Հնդկաչինյան պատերազմը Ֆրանսիական միության և Վիետնամի դեմոկրատական հանրապետության միջև:

Վիետնամի պատերազմ նաև հայտնի որպես Երկրորդ հնդկաչինական պատերազմ  և Վիետնամում հայտնի որպես Ինքնապաշտպանական պատերազմ ընդդեմ Ամերիկայի կամ պարզապես Ամերիկյան պատերազմ, պատերազմ է, որը տեղի է ունեցել Վիետնամում, Լաոսում և Կամբոջայում 1955 թվականի նոյեմբերի 1-ից մինչև Սայգոնի անկումը 1975 թվականի ապրիլի 30-ը: Այն երկրորդն էր Հնդկաչինական պատերազմներից և պաշտոնապես տեղի է ունեցել Հյուսիսային Վիետնամի և Հարավային Վիետնամի կառավարության միջև: Հյուսիսային Վիետնամի բանակին սատարում էին Խորհրդային Միությունը, Չինաստանը և այլ կոմունիստական դաշնակիցներ, իսկ Հարավային Վիետնամին աջակցում էին Միացյալ Նահանգները, Հարավային Կորեան և Ավստրալիան, Թայլանդը և այլ հակակոմունիստական դաշինքներ, ինչի պատճառով պատերազմը համարվում էր Սառը պատերազմի մաս:

1997 թ. այս օրը տեղի ունեցավ Ջեյմս Քեմերոնի «Տիտանիկ» ֆիլմի պրեմիերան, որը դարձավ 20-րդ դարի ամենաշահութաբեր ֆիլմը` ստանալով 11 Օսկար:

«Տիտանիկ»-ը Ջեյմս Քեմերոնի կողմից 1997 թվականին նկարահանված աղետ ֆիլմ է, որտեղ նկարագրվում է լեգենդար Տիտանիկ շոգենավի կործանումը։ Գլխավոր դերակատարներն են Քեյթ Ուինսլեթը և Լեոնարդո ԴիԿապրիոն։ Ֆիլմի հերոսները, լինելով սոցիալական տարբեր շերտերից, սիրահարվում են միմյանց չարագուշակ նավի վրա, որը կատարում էր իր առաջին և վերջին ճանապարհորդությունը 1912 թվականին Ատլանտյան օվկիանոսով: