«Այս օրը պատմության մեջ». դեկտեմբերի 18

Yerkir.am-ը ներկայացնում է «Այս օրը պատմության մեջ» նախագիծը, որի շրջանակներում ամեն օր կներկայացնենք տվյալ օրվա իրադարձությունները:

Դեկտեմբերի 18

1787 թվականի այս օրը Նյու Ջերսին դարձավ ԱՄՆ-ի 3-րդ նահանգը:

Նյու Ջերսիում տեղաբնիկները բնակվել են ավելի քան 2.800 տարի: 17-րդ դարի սկզբին հոլանդացիները և շվեդները այստեղ հիմնեցին առաջին եվրոպական բնակավայրերը: Հետագայում տարածքին տիրեցին անգլիացիները` անվանելով Նյու Ջերսի պրովինցիաի Նորմանդյան կղզիների Ջերսի քաղաքի անունով: 18-րդ դարում Նյու Ջերսին դարձավ մի քանի ճակատամարտերի թատերաբեմ Ամերիկայի անկախության պատերազմի ժամանակ:

XIX դարում Նյու Ջերսիում կառուցվեցին մեծ քանակությամբ գործարաններ, որոնք օգնեցին Նյու Ջերսիին իրականացնել Արդյունաբերական հեղափոխություն:

Նահանգի պաշտոնական մականունն է «Այգիների նահանգ»։ 

1892 թ. դեկտեմբերի 18-ին առաջին անգամ բեմադրվեց Պյոտր Չայկովսկու «Շելկունչիկ» նշանավոր բալետը:

Մարդուկ Ջարդուկը (ռուս.՝ Щелкунчик)-ը Պյոտր Չայկովսկու բալետն է՝ երկու գործողությամբ։ Լիբրետոն` Մարիուս Պետիպայի, ստեղծված՝ Էռնստ Հոֆմանի «Մարդուկ-Ջարդուկը և մկների թագավորը» հեքիաթի ֆրանսերեն փոխադրության մոտիվներով, որը կատարել էր Ալեքսանդր Դյումա հայրը 1844 թվականին։

Պրեմիերան կայացել է 1892 թվականի դեկտեմբերի 18-ին Սանկտ Պետերբուրգի Մարիինյան թատրոնում:

1918 թ. այս օրն ստեղծվեց «Արմենպրես» հայկական լրատվական գործակալությունը:

Այն ստեղծվել է 1918 թվականի դեկտեմբերի 18-ին, Հայաստանի առաջին հանրապետության Ազգային Ժողովի որոշմամբ՝ որպես Հայկական հեռագրական գործակալություն։ Ներկայում հանդիսանում է փակ բաժնետիրական ընկերություն, որի բաժնետոմսերը տնօրինում է Հայաստանի Հանրապետությունը։

1940 թ. դեկտեմբերի 18-ին Նացիստական Գերմանիայի կողմից հաստատվեց նախապես ծրագրված «Բարբարոսսա» գործությունը՝ Գերմանիայի ԽՍՀՄ-ի վրա հարձակվելու պլանը:

«Բարբարոսսա»-ն Երկրորդ համաշխարհային պատերազմի ժամանակ արևելաեվրոպական ռազմական թատերաբեմում ԽՍՀՄ ներխուժելու Երրորդ Ռայխի ծրագիր և Հայրենական մեծ պատերազմի նախնական փուլում այդ ծրագրին համապատասխան իրականացվող ռազմական գործողություն էր։ Ծրագիրն իրականացնելու Հիտլերի որոշումը շրջադարձային էր Երրորդ Ռայխի պատմության մեջ, որը 4 տարի հետո բերեց նրա լիակատար փլուզման։

1946 թ. այս օրն է ծնվել ամերիկացի աշխարհահռչակ ռեժիսոր, սցենարիստ և պրոդյուսեր Սթիվեն Սփիլբերգը:

Նա համարվում է հոլիվուդյան կինոաշխարհի ամենահաջողակ ներկայացուցիչներից մեկը։

Ամերիկյան կինոակադեմիայի կողմից հրապարակված Ամերիկյան բոլոր ժամանակների 100 լավագույն ֆիլմերի ցանկում ռեժիսորներից ամենաշատը նրա ֆիլմերն են՝ 5 ֆիլմ, իսկ Ամերիկյան բոլոր ժամանակների 10 լավագույն ֆիլմեր ըստ 10 ժանրերի ցանկում` 3 ֆիլմ։ Երեք անգամ արժանացել է Օսկարի, որից երկուսը՝ որպես լավագույն ռեժիսոր։

Նրա ֆիլմերից են՝ «Ինդիանա Ջոնս»-ը, «Մարտական ձի»-ն, «Միջաստղային»-ը և այլն։

1966 թ. դեկտեմբերի 18-ին հայտնաբերվեց Սատուրնի արբանյակ Էպիմետեյը:

Այն հայտնաբերվել է Ռիչարդ Ուոկերի կողմից, իսկ հին հունական դիցաբանության հերոսներից Պրոմեթևսի եղբայր Էպիմեթևսի պատվին։

Այն ունի շատ ծակոտկեն սառցե կառուցվածքով մարմին, քանի որ նրա խտությունը ցածր է ջրինից՝ ~0.69 գ/սմ³ է։ 

1980 թվականի այս օրն է ծնվել ամերիկացի ճանաչված երգչուհի և երգահան Քրիստինա Ագիլերան:

Ագիլերան արժանացել է «Գրեմմի»-ի վեց և «Լատինական Գրեմմի»-ի մեկ մրցանակի։ «Rolling Stone» ամսագիրը նրան համարել է բոլոր ժամանակների 100 մեծագույն կատարողներից մեկը։ Նա դարձել է այդ ցանկի ամենաերիտասարդ ներկայացուցիչը և միակը 30 տարեկանից ցածր տարիքային խմբում^[11]։

ԱՄՆ Պետական դեպարտամենտի կողմից պարգևատրվել է քաղցի դեմ պայքարի գործում ունեցած ավանդի համար: Պարենի համաշխարհային ծրագրի և ՄԱԿ-ի դեսպան է։ Քրիստինայի մասնակցությունը բարեգործական ծրագրերին օգնել է հավաքել ավելի քան 117 միլիոն դոլար: