«Հուլիսյան փոթորիկ» զորավարժությունն անցկացվել է՝ հաշվի առնելով հատուկ գործողության փորձը

Հատուկ ռազմական գործողության փորձը հաշվի է առնվել «Հուլիսյան փոթորիկ» ռազմածովային զորավարժությունների անցկացման ժամանակ։ Այս մասին հայտարարել է ՌԴ նախագահ Վլադիմիր Պուտինը՝ տեսակապի միջոցով ստուգելով զորավարժությունների ընթացքը։

Զորավարժությունների հիմնական խնդիրն է նավատորմի գործողությունների մանրամասն մշակումը ծովից հարձակումը հետ մղելիս և առավել ոչ ստանդարտ, մարտականին մոտեցված խնդիրների լուծման գործում: Այդ թվում, ինչպես ընդգծել է Պուտինը, հաշվի առնելով հատուկ ռազմական գործողության ընթացքում ձեռք բերված փորձը։

Հյուսիսային, Խաղաղօվկիանոսյան, Բալթյան և Կասպիական նավատորմերի ուժերն ավարտել են մասնակցությունը հուլիսի 23-27-ն անցկացված «Հուլիսյան փոթորիկ» օպերատիվ զորավարժությանը:

Զորավարժությանը ներգրավվել է ավելի քան 150 մարտական և ապահովման նավ, 120 թռչող սարք, 10 առափնյա հրթիռային համալիր, 950 միավոր ռազմական և հատուկ տեխնիկա, ավելի քան 15 հազար զինծառայող:

Իրականացվել է շուրջ 550 մարտական վարժանք, որից ավելի քան 450-ը՝ զենքի գործնական կիրառմամբ: