Թրամփը թույլատրել է ԱՄՆ-ի պահուստներից նավթ օգտագործել՝ շուկայի կայունացման նպատակով

ԱՄՆ նախագահ Դոնալդ Թրամփը անհրաժեշտության դեպքում մտադիր է օգտագործել երկրի նավթային պահուստները՝ նավթի գների կայունացման համար։ ԱՄՆ առաջնորդը նման որոշում է կայացրել Սաուդյան Արաբիայի Saudi Aramco նավթագազային ընկերության ձեռնարկության վրա տեղի ունեցած հարձակումից հետո։

«Սաուդյան Արաբիայի վրա հարձակումների հետ կապված, որոնք կարող են ազդել նավթի գնի վրա, ես կարգադրել եմ անհրաժեշտության դեպքում նավթ հատկացնել ռազմավարական պահուստից»,- իր թվիթերյան միկրոբլոգում գրառում է կատարել Թրամփը ու հավելել՝ նավթի քանակն ավելի ուշ կորոշվի, բայց այն «բավարար կլինի, որպեսզի պահպանի շուկաների լավ մատակարարումը»։