ԱՄՆ փոխնախագահը հայտնել է երկրում COVID-19-ի հետ կապված իրավիճակի կայունացման մասին

Ամերիկայի Միացյալ Նահանգներում կայունացել է նոր տիպի կորոնավիրուսի հաստատվող դեպքերի քանակը. այս մասին հայտարարել է փոխնախագահ Մայք Փենսը՝ Twitter-ի իր պաշտոնական էջում:

Նա նշել է՝ վերջին երկու շաբաթվա ընթացքում Միացյալ Նահանգներում միջին հաշվով COVID-19-ի 20 հազար նոր դեպք է գրանցվում, այն դեպքում, երբ ապրիլին այդ ցուցանիշը 30 հազար էր կազմում:

Բացի այդ, կորոնավիրուս է հայտնաբերվել «թեստավորված ամերիկացիների ավելի քիչ քան 6% -ի մոտ», - գրել է Փենսն ու հավելել՝ հոսպիտալացումների թիվը նույնպես նվազում է:

Հիշեցնենք՝ ըստ Ջոնս Հոփքինսի համալսարանի տվյալների, ԱՄՆ-ում գրանցվել է նոր տիպի կորոնավիրուսի 2,162,785 դեպք: