Իջևանում կայացած երեկվա ակցիան ինքնաբուխ չէր, այլ մի քանի անձանց կողմից կազմակերպված պրովոկացիա էր. ԱԱԾ տնօրեն

Իջևանում գտնվող ԱԱԾ տնօրեն Արթուր Վանեցյանն այսօր լրագրողների հետ զրույցում անդրադարձել է բողոքի ակցիայի կազմակերպիչներին: Ըստ Վանեցյանի,  Իջևանում կայացած երեկվա ակցիան ինքնաբուխ չէր, այլ մի քանի անձանց կողմից կազմակերպված պրովոկացիա էր:

«Մեր՝ մարզ այցելելը չի նշանակում, որ այդ ամենը մոռացվեց, և մեղավորները չեն բացահայտվելու, չեն պատժվելու: Այսօր կառավարության նիստի ընթացքում հնչեց մարդկանց թիվ՝ 39, որոնք ակտիվ մասնակցություն են ունեցել բողոքի ակցիայի կազմակերպմանը: Նրանց մի մասը բերման են ենթարկվել, մնացածը, որոնք թաքնվում են իրավապահներից, կամ կգան, ինքնակամ կներկայանան, կամ մենք կհայտնաբերենք, նրանց դժվար չէ գտնելը, և կկանգնեն օրենքի առջև»,- ասաց Վանեցյանը: