Ագարակի պղնձամոլիբդենային կոմբինատի աշխատողների գործադուլը շարունակվում է

Հուլիսի 2-ից բողոքի ակցիա են իրականացնում Ագարակի պղնձամոլիբդենային կոմբինատի աշխատողները։ Նրանք պահանջում են աշխատավարձի բարձրացում, ինչպես նաեւ հավելավճարներ, որ պետք է ստանան՝ որպես թունավոր արտադրությունում աշխատողներ։ Գործադուլավորները դժգոհում են նաեւ բժշկական ապահովագրության բացակայությունից։

Նշենք, որ կոմբինատի բանվորների աշխատավարձը 100-140 հազար դրամ է։

«Ֆիրմայի տնօրենն է եկել Մոսկվայից, երեկ հանդիպել են, ասել է` գնացեք աշխատեք, թե չէ կփակեմ հիմնարկը: Ժամանակ է խնդրել մի ամիս, որ հարցերը լուծեն, բայց` պայմանով, որ պիտի աշխատենք»,- «Երկիր Մեդիա» -ի թղթակցին հայտնեց աշխատակիցներից մեկը։

Գործադուլավորները քննարկում են իրենց հետագա քայլերը։