Աբաշիձեն հույս ունի, որ Վրաստանը ՌԴ-ի նկատմամբ պատասխան քայլերի չի դիմի

Պետք է անել հնարավոր ամեն բան Վրաստանի և Ռուսաստանի միջև վերջին օրերին առաջացած խնդիրները լուծելու համար: Այդ մասին РБК-ի հետ զրույցում ասել է Վրաստանի վարչապետի` ՌԴ-ի հետ հարաբերությունները կարգավորելու հարցերով հատուկ ներկայացուցիչ Զուրաբ Աբաշիձեն. հայտնում է Спутник-Грузия-ն:

Հիշեցնենք, որ, Վրաստանում բողոքի ցույցերի ֆոնին, ՌԴ-ն հուլիսի 8-ից կդադարեցնի ավիահաղորդակցությունն այդ երկրի հետ:

«Հույս ունենք, որ հրատապ որոշումներ կայացնելու կարիք չի լինի»,- ասել է Աբաշիձեն` պատասխանելով հարցին` Վրաստանի կողմից կլինե՞ն պատասխան քայլեր:

Նրա խոսքով` Վրաստանի համար  թանկ են բոլոր զբոսաշրջիկները:

Հիշեցնենք, որ օրերս ՌԴ ԱԳ նախարար Սերգեյ Լավրովն ասել է, որ «Աբաշիձե-Կարասին» ձևաչափն օգտակար է: