Վրաստանը հույս ունի, որ Ուկրաինան կարտահանձնի Սահակաշվիլիին

Վրաստանը հույս ունի, որ հենց Միխեիլ Սահակաշվիլին վերադառնա Ուկրաինա, Կիևը կսկսի նրան Թբիլիսիին հանձնելու գործընթացը. հայտնում է apsny.ge-ն:

«Իմեդի» հեռուստաալիքի եթերում երկրի արդարադատության նախրար Թեա Ցուլուկիանին հայտարարել է, որ դա ոչ թե քաղաքական, այլ «իրավական և հետաքննչա-դատախազական գործընթաց է»: Նախարարը հիշեցրել է, որ Թբիլիսին պահանջում էր արտահանձնել Սահակաշվիլիին դեռևս 2014-2015 թվերին, քանի որ նա մեղադրվում է պատգամավորի ծեծելու, մոտ 4 մլն դոլար վատնելու, 2007-ի նոյեմբերի խաղաղ ցույցը ցրելու մեջ: Սակայն 2015-ին Կիևը հրաժարվեց արտահանձնել Սահակաշվիլիին` պատճառաբանելով, թե նրան հետապնդում են ոչ միայն իրավական տեսանկյունից:

Ի դեպ, կիրակի Սահակաշվիլին դարձյալ մեղադրել է Ուկրաինայի իշխանություններին, որոնք իրեն հուլիսի 26-ին զրկել են քաղաքացիությունից, հանցագործ լինելու մեջ: Նա ասել է, որ փաստաթուղթը, որի հիման վրա իրեն զրկել են քաղաքացիությունից, կեղծ է: