Կարո Փայլանն անդրադարձել է հայ կնոջ դանակահարության դեպքին

Թուրքիայի Ազգային մեծ ժողովի` Դիարբեքիրից հայ պատգամավոր Կարո Փայլանն անդրադարձել է օրերս Ստամբուլի Սամաթիա թաղամասում հայաստանցի կնոջ դանակահարության դեպքին:

Tarafsız լրատվական գործակալության հետ զրույցում նա նշել է. «Ակնհայտ է, թե այս պատահարում ինչքան մեծ է ատելությունը: Վերջին շրջանում ատելության մթնոլորտի, բևեռացման, ճամբարների բաժանման արդյունքը և շարունակությունը կարող ենք տեսնել: Այս տեսակ հանցանքները չպետք է անպատիժ մնան, շարունակություն ունենան: Նման դեպք կրկնվեց օրեր առաջ ևս, երբ Գյոքչեադայում սպանվեց հույն քաղաքացի: Ընդհանուր առմամբ, իշխանության կիրառած ատելության լեզուն, խոսքը ճանապարհ են հարթում ատելությունից դրդված հանցանքների համար: Նմանատիպ դեպքերում այս պատահարներից խուսափելն անհնար է»: