Երևանում բացվել է Լուսինե Զաքարյանի տուն-թանգարանը

Հայ հոգեւոր երգերի անզուգական կատարող Լուսինե Զաքարյանի ծննդյան օրը, երեկ,  Կողբացի 42/3 հասցեում գտնվող այն բնակարանը, որտեղ ապրել է երգչուհին, վերածվել է թանգարանի: Ամեն ինչ կահավորվել է ճիշտ այնպես ինչպես նախկինում է եղել, երբ Լուսինե Զաքարյանը ամուսնու` Խորեն Պալյանի հետ բնակվել է այստեղ:

Ցուցադրված են երգչուհու հագուստները, սպասքն ու կահույքը` գրեթե առանց փոփոխության: Տարիներ շարունակ բնակարանը գտնվել է անմխիթար վիճակում, սեփականատերը` Խորեն Պալյանի եղբորորդի Րաֆֆի Պալյանն էր և նրա համաձայնությամբ հնարավություն է ընձեռվել բնակարանը վերանորոգելու և այն թանգարանի վերածելու:

Այսուհետ տուն-թանգարանում երգչուհու կյանքին ու կենսագործունեությանը ծանոթանալուց բացի, հնարավորություն կընձեռվի լսել նրա ձայնը՝ աուդիո տարբերակավ: