Մինչև սեպտեմբեր Լուսինե Զաքարյանի տան ժառանգները պետությանն առաջարկ կանեն

Տեղեկացրել էինք, որ այսօր ՀՀ մշակույթի նախարար Հասմիկ Պողոսյանը լրագրողների հետ հանդիպման ժամանակ ամփոփեց իր` նախարարի պաշտոնում վերանշանակման մեկ տարվա գործունեությունը:

Նախարարը, խոսելով Լուսինե Զաքարյանի տան մասին, որն այս պահին պարզապես անտերության է մատնված, նշեց, որ մեկուկես ամիս առաջ է այդ հարցով խոսել տան ժառանգներից մեկի հետ:

«Մենք անընդհատ խոսում ենք նրանց հետ, փորձում ընդհանուր ինչ-որ հայտարարի գալ: Կարևորն այն է, որ այդ երկխոսությունը կա: Մեկուկես ամիս առաջ էլ, երբ խոսեցի, նրանք ինձ ասացին, որ կփորձեն իրենք իրենց ներքին հարցերը լուծել, որից հետ մինչև սեպտեմբեր պետությանը որոշակի առաջարկությունով հանդես կգան»,- ասաց նախարարը: