Սիրիայում նկատվել է ռուսական «Իսկանդեր»

Սիրիայի Հմեյմիմի ռուսական ռազմաօդային բազայում նկատվել է օպերատիվ-մարտավարական «Իսկանդեր» հրթիռային համակարգ. հաղորդում է իսրայելական ImageSat Intl. (ISI) ընկերության թվիթերյան էջը:

Ըստ ISI-ի տվյալների` արբանյակներից արված լուսանկարներից երևում է, թե ինչպես է «Իսկանդեր Մ» ինքնագնաց կայանքի կողքին կանգնած լիցքավորիչ երկու մեքենա: Կազմակերպությունը վստահ է, որ կարողացել են լուսանկարել «Իսկանդեր»-ի լիցքավորման գործընթացը:

Անցյալ տարվա դեկտեմբեր ամսին Ռուսաստանի փոխվարչապետ Յուրի Բորիսովը հայտարարել էր, որ Սիրիայի տարածքում մարտերի ժամանակ կիրառվում են համազարկային կրակի ռեակտիվ «Տոռնադո-Գ» և «Սմերչ» համակարգեր, ինչպես նաև օպերատիվ-մարտավարական «Իսկանդեր» հրթիռային համակարգ. հայտում է gazeta.ru կայքը: