«Իսկանդեր»-ն օգտագործելը մեծ ռիսկի գործոն է պարունակում. Արման Նավասարդյան

Արտակարգ եւ լիազոր դեսպան Արման Նավասարդյանն այսօր լրագրողների հետ զրույցում, խոսելով վերջին զորահանդեսի եւ, մասնավորապես, ցուցադրված «Իսկանդեր»- մասին, նշեց, որ այն իրոք շատ կարևոր է մեզ համար՝ թե՛ հոգեբանական, թե՛ ռազմական նկատառումներով: Ըստ Նավասարդյանի՝ այս զենքը ձեռք բերելով՝ Հայաստանը մտավ Ռուսաստանի պաշտպանական հովանոցի տակ: ««Իսկանդեր»-ն այնպիսի զենք է, որը տրվում է նրան, ով մեծ վստահություն ունի Ռուսաստանի մոտ: Զենքն այսօր մերն է, և Ռուսաստանը տրամադրել է ոչ թե, որ Հայաստանի գործընկերն է, այլ՝ լուծում է իր խնդիրները: Այնպես չէ, որ բոլոր խնդիրները կարող են լուծվել այս զենքով,որովհետև զենքի վրա հույս դնել պետք չէ: Զենքը պետք է օգնի հաջողությամբ լուծել մյուս հարցերը: Նման զենք օգտագործելը մեծ ռիսկի գործոն է, որի օգտագործման դեպքում չի լուծվի հայկական հարցը և ավելի կբարդացնի հայ-ադրբեջանական հարաբերությունները»,-եզրափակեց Նավասարդյանը: