Այս ազգը երբեք ցեղասպանություն չի իրականացրել. Էրդողան

Թուրքիան մշտապես ճնշվածների կողքին է կանգնել և չի կարող ցեղասպանություն իրականացրած երկիր լինել. ըստ ensonhaber.com կայքի` Սատմբուլի Չըրաղան պալատում ելույթ ունենալիս հայտարարել է Թուրքիայի նախագահ Ռեջեփ Թայիփ Էրդողանը:

«Գաղթականության հարցն ապահով լուծելն ամենից շատ արևմտյան երկրներին է օգուտ տալու: Թուրքիան առաջին երկիրը չէ, որ առերեսվել է գաղթականության հարցին: Սիրիայից մեր երկիր գաղթած ոչ մի սիրիացու հետ չենք ուղարկել: Արամեացիներին, քրիստոնյաներին, հայերին չենք ուղարկել: Արևմուտքում, այսպես կոչված, Հայոց ցեղասպանություն եզրույթով որոշ քարոզչություն է իրականացվում: Այս ազգը երբեք ցեղասպանություն չի իրականացրել»,- ասել է նա: