Ալավերդցիները սպասում են փոխվարչապետ Ավինյանին

Չնայած անձրևոտ ու մռայլ եղանակին` Ալավերդու պղնձաձուլարանի աշխատակիցներն այսօր դարձյալ հավաքվել են քաղաքի եկեղեցուն մերձ հրապարակում: 

Հիշեցնենք, որ օրեր առաջ ոստիկանության Լոռու տարածքային բաժնի պետն ալավերդցիներին հորդորել էր բացել փակած երկաթգիծը: Նա խոստացել էր, որ փետրվարի 15-ին` այսօր, Ալավերդի կժամանեն ՎՏԲ բանկի ներկայացուցիչները, փոխվարչապետ Տիգրան Ավինյանն ու «Վալլեքս» ընկերությունների խմբի ղեկավարությունը, և եռակողմ հանդիպում տեղի կունենա:

Պղնձաձուլարանի աշխատանքների դադարեցման պատճառով գործազուրկ դարձած ալավերդցիները Yerkir.am-ի հետ զրույցում ասացին, որ եթե նշյալ հանդիպումը, հանկարծ, տեղի չունենա, ապա իրենք շարունակելու են բողոքը` կրկին փակելով Երևան-Թբիլիսի երկաթգիծը: