կարևոր
3328 դիտում, 1 տարի առաջ - 2023-03-20 23:43
Հասարակություն

Տիգրան Ավինյանին կամ որևէ այլ անձի քաղաքապետի ժամանակավոր պաշտոնակատար նշանակելու իրավասություն չունեն․ փաստաբան

Տիգրան Ավինյանին կամ որևէ այլ անձի քաղաքապետի ժամանակավոր պաշտոնակատար նշանակելու իրավասություն չունեն․ փաստաբան

Փաստաբան Արսեն Բաբայանը, անդրադառնալով Հրաչյա Սարգսյանի հրաժարականից հետո հնարավոր զարգացումներին, գրում է.

«Հաշվի առնելով գործող իշխանության կողմից Սահմանադրությունը և օրենքները կոպտագույն խախտելու սովորույթը՝ իրազեկում եմ.

Կառավարությունը կամ վարչապետը Տիգրան Ավինյանին կամ որևէ այլ անձի քաղաքապետի ժամանակավոր պաշտոնակատար նշանակելու իրավասություն չունեն, եթե չի նշանակվել արտահերթ ընտրություններ:

Սահմանադրությունը և օրենքները թույլ չեն տալիս առանց արտահերթ ընտրությունների նշանակման Երևանի քաղաքապետի ժ/պ նշանակել:

Ըստ կարգի՝ պետք է առաջադրվի ավագանու անդամ քաղաքապետի թեկնածու, եթե նա օրենքով սահմանված կարգով չընտրվի, ապա Կառավարությունը պետք է նշանակի արտահերթ ընտրություններ:

Այսինքն, կրկին իրազեկում եմ, որ մինչև Երևանի ավագանու արտահերթ (կամ նոր) ընտրություններով ավագանու ձևավորումը՝ Տիգրան Ավինյանը չի կարող լինել քաղաքապետ կամ դրա ժամանակավոր պաշտոնակատար»: