Ալավերդցիները դարձյալ փակել են Երևան-Թբիլիսի երկաթգիծը. լուսանկարներ

Պղնձաձուլական գործարանի աշխատակիցներն այսօր առավոտից փակել են գործարանի բոլոր ելքերն ու մուտքերը: Փակ է նաև Երևան-Թբիլիսի երկաթուղին: Պատճառն այն է, որ «Էյ-Սի-Փի» ընկերության տնօրինությունն աշխատանքային պայմանագրերը երկարացնելու ծանուցագիր չի ուղարկել, ըստ որի` աշխատակիցները, հարկադիր պարապուրդի մեջ լինելով, վարձատրվում են աշխատավարձի երկու երրորդով:

Աշխատակիցներն ասում են, թե ծանուցագրեր չուղարկելը նշանակում է, որ 200 աշխատակիցներն ազատված են աշխատանքից:

Yerkir.am-ի տեղեկություններով` աշխատակիցները խնդրի մասին տեղյակ են պահել Լոռու մարզպետ Անդրեյ Ղուկասյանին, նա հորդորել է իր մոտ հանդիպման գնալ: Աշխատակիցները չեն համաձայնել, ինչին ի պատասխան մարզպետը նշել է` այլ ասելիք չունի: