Վրաստանի նախագահը բարեգործական հիմնադրամ է ստեղծել

Վրաստանի հինգերորդ նախագահ Սալոմե Զուրաբիշվիլին ստեղծել է բարեգործական հիմնադրամ, որին փոխանցելու է իր աշխատավարձը: Այդ մասին ասվում է երկրի նախագահի ֆեյսբուքյան էջում: Ի դեպ, բարեգործական հիմնադրամի ստեղծման մասին Զուրաբիշվիլին հայտնել էր Վրաստանի նախագահի կարգավիճակում անցկացրած իր առաջին մամուլի ասուլիսում:

«Արդեն ստեղծվել և պաշտոնապես գրանցվել է «Սալոմե Զուրաբիշվիլիի բարեգործական հիմնադրամը»: Այն փնտրելու և ֆինանսավորելու է կրթական, գիտական և ինովացիոն նախագծեր: Ես հուսով եմ, որ հիմնադրամը կաշխատի ակտիվորեն ու կնպաստի բազմաթիվ ձեռնարկումների, որոնք անհրաժեշտ են հասարակությանը»,- ասվում Զուրաբիշվիլիի հաղորդագրության մեջ: