Կորոնավիրուսի ֆոնին՝ Վրաստանի վարչապետն ստեղծել է արտակարգ իրավիճակների միջգերատեսչական համակարգող խումբ

Վրաստանի վարչապետ Գիորգի Գախարիան ստեղծել է  Արտակարգ իրավիճակների միջգերատեսչական համակարգող խումբ՝ երկրում՝ կորոնավիրուսով վարակման առաջին դեպքից հետո. հայտնում է Yerkir.am-ը՝  վկայակոչելով Վրաստանի կառավարության կայքում հրապարակված հայտարարությունը:

Հիշեցնենք՝ նախօրեին Վրաստանի առողջապահության նախարար Էկատերինա Տիկարաձեն հայտարարել էր, որ Վրաստանում արձանագրվել է կորոնավիրուսի առաջին դեպքը: Առողջապահության նախարարության տվյալներով ՝ վարակված անձը Վրաստանի 50-ամյա մի  քաղաքացի է, ով նախօրեին ժամանել էր Իրանից և Ադրբեջանի տարածքով մտադիր էր անցնել Վրաստան:

Խորհրդի կողմից գումարված առաջին նիստի ընթացքում վարչապետը ծանոթացել է կորոնավիրուսի տարածումը կանխելու վերաբերյալ մանրամասն տեղեկություններին: Որոշում է կայացվել՝ երկու շաբաթով արգելել ցամաքային տեղաշարժը Վրաստանի և Իրանի միջև: