2015-ին 130 բարեգործական ընկերություններ իրականացրել են 73 միլիարդ դրամի բարեգործական աշխատանքներ

Այսօր կառավարության նիստում կառավարության աշխատակազմի ղեկավար-նախարար Դավիթ Հարությունյանը ներկայացրեց 2015թ. բարեգործական ընկերությունների հաշվետվությունը:

2015թ. ընթացքում բարեգործական գործունեություն է իրականացրել 130 կազմակերպություն, ընդհանուր գումարը՝ 73 միլիարդ դրամ, որից 48 միլիարդ դրամը աշխատանքների կատարում է, իսկ 25-ը՝ բարեգործական բեռների ներմուծում և բաշխում: Գումարների 32 տոկոսը սոցիալական ոլորտին է ուղղվել, 23 տոկոսը՝ մշակութային, 20 տոկոսը՝ համայնքային զարգացմանը, 7 տոկոսը՝ քաղաքաշինական ոլորտին, 6 տոկոս՝ կրթական ոլորտին, 3,6 տոկոս՝ առողջապահական ոլորտին:

Ինչ վերաբերում է բարեգործական բեռներին, ապա 50 երկրներից են դրանք ներմուծվել` 25 միլիարդ դրամի չափով: Դրանց մեծ մասը եղել է դեղորայք, բժշկական սարքավորումներ: Ակտիվ գործել են ՀԲԸՄ կազմակերպությունը, «Արաբկիր» միացյալ մանկական բարեգործական հիմնադրամը, Ամերիկայի հայ ավետարանչական ընկերության հայկական մասնաճյուղը, Հայկական ակնաբուժական նախագիծ-հիմնադրամը, և այլն: