Ադրբեջանի ԱԳՆ-ն բողոքի նոտա է հղել Ռուսաստանին` Հայաստանում «Լազարևյան» ակումբի նիստի կապակցությամբ

Ինչպես հաղորդում է ադրբեջանական minval.az-ը, պաշտոնական Բաքուն Մոսկվայում իր դեսպանատան միջոցով ՌԴ ԱԳՆ-ին բողոքի նոտա է փոխանցել` արտահայտելով իր մտահոգությունները Հայաստանում կայացած ռուս-հայկական «Լազարևյան» ակումբի նիստի կապակցությամբ, որտեղ ռուս պաշտոնատար անձինք որոշակի հայտարարություններ են հչեցրել: Ըստ Բաքվի, այդ հայտարարությունները կարող են խոչընդոտ հանդիսանալ ԼՂ հարցի կարգավորման գործում:

 Հայտարարության մեջ ասվում է, որ հանրային «Լազարյան ակումբի» կազմակերպիչներից և նախաձեռնողներից է ՌԴ Պետդումայի Եվրասիական ինտեգրման հարցերով հանձնաժողովի առաջին փոխնախագահ Կոնստանտին Զատուլինը: Բացի այդ, ակումբի նիստին մասնակցել են ներկայացուցիչներ Արցախից, ինչը հարուցել է Բաքվի դժգոհությունը: