ՀՀԿ-ն ու ՔՊ-ն կարող են դաշինք կնքել, որովհետև գաղափարական նույն հարթության վրա են. Արամ Սարգսյան

Հանրապետական կուսակցությունն ու Քաղաքացիական պայմանագիրը կարող են  դաշինք կնքել, որովհետև այսօրվա դրությամբ գաղափարախոսական առումով նույն հարթության վրա են. այս մասին հայտարարեց «Հանրապետություն» կուսակցության նախագահ Արամ Սարգսյանը` «Մենք» դաշինքի ստեղծման հուշագրի ստորագրումից հետո:

Սարգսյանն ընդգծեց, որ  բարեկամական և ընկերական հարաբերությունները չեն կաշկանդի իրեն, որպեսզի  իրական ընդդիմություն լինի Նիկոլ Փաշինյանին:

Նա նշեց, որ Հանարապետականն ինքն է ասում, որ իր ընկեր Նիկոլ Փաշինյանը վարչապետ դառանլուց հետո ԵԱՏՄ կողմնակից է, միջազգային հարթակներում քվեարկում է այնպես, ինչպես էդվարդ Նալբանդյանն էր ասում: «Ես էլ եմ այդպես ասում: ՀՀԿ-ն ու ՔՊ-ն կարող են դաշինք կնքել, որովհետև այսօրվա դրությամբ գաղափարական առումով նույն հարթության  վրա են: Ես այլընտրանք եմ իրենց. ոչ թե իրենց հակառակորդն եմ, այլ այլընտրանքն եմ, որովհետև ասում եմ` այդ ուղին ճիշտ ուղի չէ: Դրա համար մենք այսօր դաշինք ենք կնքում «Ազատ դեմոկրատների» հետ, որը մշտապես  արևմտյան արժեքների, Եվրոպայի հետ տնտեսական դաշտի, ասոցացման համաձայնագրի կողմնակից է, 1 միլիարդանոց շուկայի կողմնակիցն է, ովքեր տեսնում են, որ իրական ներդրումային գումարները Ռուսաստանում ու Ղազախստանում չեն կամ Բելառուսում, որոնք պատժամիջոնցերի տակ են, և այդ պատժամիջոցները շատ պինդ են ազդելու մեզ վրա»,- ասաց նա։

Սարգսյանը հիշեցրեց, որ այդ մասին խոսել է Ազգային ժողովում Նիկոլ Փաշինյանի ներկայությամբ և շարունակելու է խոսել, իսկ այսօր ձևավորված «Մենք» դաշինքը պետք է երկրին. «Ես սրա համար եմ քաղաքական դաշտում»,- եզրափակեց նա: