Իդլիբի դեմ հարձակումները վտանգ են ներկայացնում հակամարտության կարգավորման համար. Էրդողան

Իդլիբի դեմ սիրիական ռեժիմի հարձակումները վտանգ են ներկայացնում Սիրիայում հակամարտության կարգավորման համար: Այդ մասին հայտարարել է Թուրքիայի նախագահ Ռեջեփ Թայիփ Էրդողանը Թեհրանում կայացած` ՌԴ-ի, Իրանի և Թուրքիայի նախագահների եռակողմ հանդիպման ավարտից հետո հրավիրված մամուլի ասուլիսում. հայտնում է РИА Новости-ն:

 «Կենսապես կարևոր է պահպանել Իդլիբի` որպես լարվածության թուլացման գոտու կարգավիճակը: Այդ ուղղությամբ ցանկացած սխալ քայլ կարող է զգացվել ամենուր: Խնդիրը պետք է լուծվի աստանյան ձևաչափի շրջանակում»,- ասել է  Էրդողանը:

 Մինչև հանդիպումը նա նշել է նաև, որ դեմ է, որ Իդլիբն արյան ծովի վերածվի: