Սիրիայում հակամարտության լուծման համար նախ պետք է Իդլիբի խնդիրը լուծել. Պուտին

Ռուսաստան-Թուրքիա Բարձր մակարդակի համագործակցության 8-րդ ժողովում Թուրքիայի նախագահ Ռեջեփ Թայիփ Էրդողանի հետ հանդիպման ժամանակ Ռուսաստանի նախագահ Վլադիմիր Պուտինը խոսել է նաև Սիրիայում շարունակվող հակամարտությանը վերջ դնելու մասին. հաղորդում  է artigercek.com կայքը::

Նա նշել է. «Խնդրո առարկան, անշուշտ, Իդլիբում մեր առաջընթացն է: Սիրիայում քաղաքական լուծման հանգելու համար նախ և առաջ պետք է Իդլիբի խնդիրը լուծենք»:

Էրդողանն իր հերթին նշել է. «Իդլիբը մեզ համար շատ զգայուն շրջան է, և այդ իսկ պատճառով Ռուսաստանի հետ ենք համաձայնեցնում: Իդլիբում արդեն առաջին քայլերն ենք արել, անում ենք ու անելու ենք: Հետքայլն արդեն անհնար է: Առաջնահերթություն է Սիրիայի տարածքային ամբողջականության ապահովումը»: