Բուհերը ՊՎԾ-ի ուշադրության կենտրոնում են

ՀՀ պետական վերահսկողության ծառայության պետ Դավիթ Սանասարյանը այսօր հրավիրած ասուլիսի ընթացքում անդրադարձավ Հայաստանի բուհերին, այնտեղ անցկացվող ուսումնասիրություններին և հայտնաբերված խախտումներին:

Ըստ նրա` ամենաաանմխիթարը  եղել է ագրարային համալսարանի վիճակը. բազմաթիվ խախտումներ են արձանագրվել` գնումների, աշխատավարձերի մասով: Բացի այդ` համալսարանն ունի տնտեսություններ, որտեղ կրկին անմխիթար վիճակ է:

«Առաջիկայում ստուգումները կշարունակվեն ԵՊՀ-ում: Բոլոր  անհրաժեշտ փաստաթղթերը  արդեն վերցրել ենք, և ստուգումները իրականացվում են: ԵՊՀ-ում ավելի մեծ թափով դրանք կսկսվեն, երբ ագրարային համալսարանում ստուգումներն ավարտվեն»,- հայտնեց Սանասարյանը` հավելելով, որ հաստիքների քիչ լինելու պատճառով իրենք չեն հասցնում  բոլոր հիմնարկներում միաժամանակ ստուգումներ անցկացնել: