Թուրքիայում 3 ընդդիմադիր քաղաքապետ է ձերբակալվել

Թուրքիայի իշխանությունները շաբաթ օրը ձերբակալել են Հանրապետական ժողովրդական կուսակցության (ՀԺԿ) 3 քաղաքապետի՝ ընդլայնելով Ստամբուլից սկիզբ առած և ամիսներ շարունակվող իրավական ճնշումների ալիքը։ Այս մասին հաղորդում է Reuters-ը։

Գլխավոր դատախազի գրասենյակը հայտնել է, որ հարավային Ադանա և Ադիյաման քաղաքների ղեկավարների հետ միասին շորթման կասկածանքով ևս ութ հոգի է ձերբակալվել:

NTV հեռուստալիքի փոխանցմամբ՝ ձերբակալվել են նաև Անթալիայի քաղաքապետն ու Ստամբուլի Բույուքչեքմեչե շրջանի ղեկավարի տեղակալը: Այս նույն գործի շրջանակներում հոկտեմբերից ի վեր ձերբակալվել են ընդդիմադիր Ժողովրդահանրապետական կուսակցության հարյուրավոր անդամներ, այդ թվում 11 քաղաքապետ:

ՀԺԿ-ն հերքում է ներկայացված մեղադրանքները՝ հայտնելով, որ հետաքննությունն ունի քաղաքական շարժառիթներ։ 

Մարտին կոռուպցիոն մեղադրանքներով բանտարկվել է Ստամբուլի քաղաքապետ Էքրեմ Իմամօղլուն՝ նախագահ Էրդողանի գլխավոր քաղաքական մրցակիցը: Նրա ձերբակալությունից հետո Թուրքիայում լայնածավալ բողոքի ակցիաներ սկսվեցին: