կարևոր
1783 դիտում, 8 ժամ առաջ - 2025-07-06 11:05
Հասարակություն

Հերթական վթարը ավտոբուսի մասնակցությամբ. թիվ 31 ավտոբուսի 3 ուղեւոր տեղափոխվել է հիվանդանոց

Հերթական վթարը ավտոբուսի մասնակցությամբ. թիվ 31 ավտոբուսի 3 ուղեւոր տեղափոխվել է հիվանդանոց

Այսօր՝ հուլիսի 6-ին, ավտովթար է տեղի ունեցել Երևանում։ Ժամը 09:00-ի սահմաններում Երևանի քաղաքապետարանի հաշվեկշռում հաշվառված թիվ 31 երթուղին սպասարկող «Zhongtong» ավտոբուսը Մյասնիկյան պողոտայից դեպի Գայի պողոտա ընթանալիս՝ Գայի պողոտայի սկզբնամասում, դեռևս անհայտ հանգամանքներում, բախվել է բետոնե եզրաքարին, ապա երկաթե էլեկտրասյանը։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 անձ տեղափոխվել են «Սուրբ Գրիգոր Լուսավորիչ» բժշկական կենտրոն։

Նշված երթուղին սպասարկում է Դավթաշեն 4-րդ թաղամասից մինչև Ջրվեժ թաղամաս։