Արցախում հայերի պաշտպանվածությունը պետք է լինի միջազգային ուշադրության կենտրոնում․ Արմեն Ռուստամյան

Դժբախտաբար Ադրբեջանն ամբողջ աշխարհի աչքի առաջ չի ենթարկվում որևէ կանոնների, քանի որ իրեն թվում է․ թե ով ինչ կարող է և ում ուժն ինչ պատում է կարող է անել և բոլոր նորմերն ու ստանդարտներն այլևս մի կողմ է դրված։ Այս մասին ասաց ՀՅԴ Բյուրոյի քաղաքական ներկայացուցիչ, ՀՀ ԱԺ «Հայաստան» խմբակցության պատգամավոր Արմեն Ռուստամյանը։

«Պատերազմը հենց այդ տրամաբանությամբ էլ Ադրբեջանը դա սանձազերծեց և իրականացրեց, բայց իհարկե չարաչար սխալվում է, որովհետև ի վերջո միջազգային կարծիքն ուղղորդելը կամաց-կամաց իր արդյունքն է տալու, որովհետև ուզի թե չուզի Ադրբեջանը կոնկրետ երկրների հետ կոնկրետ շահեր ունի և այստեղ ոչ այնքան այդ հայտարարություններն են, որքան այդ երկրների իրական գործողությունները։ Բոլոր այն երկրները, որոնք հայտարարություն են անում պետք է նաև իրենց հնարավորություններն ամբողջությամբ կյանքի կոչեն այդ հայտարարությունից բխած քայլեր»,- ասաց նա։

Պատգամավորը նշեց, որ նույն Ֆրանսիան լինելով ՄԱԿ-ի  անվտանգության խորհուրդի մշտական անդամ, կարող է հարցը տեղափոխել անվտանգության խորհուրդ և պահանջել համապատասպան գործիքակազմ կիրառել այդ որոշումը միջազգային դատարանի իրականացնելու ուղղությամբ՝ հարկադրել որպեսզի Ադրբեջանը կատարի այդ որոշումները․

«Կոնկրետ քայլեր կան նախատեսված և ակնկալում ենք, որ դրանք պետք է իրականացվեն։ Այն երկրները, որոնք դատապարտում են հիմա ունեն նաև իրավական հիմքեր և սրանք պետք է գործի դնել»,- ասաց նա։

Դաշնակացական գործիչը նշեց, որ ֆրանսիացի ԱԳ նախարար Կատրին Կոլոննան, ով պետք է գա Բաքու և Երևան, նրա առջև պետք է այս խնդիրները դնել և տեսնել, թե որոնք են լինելու կոնկրետ քայլերը՝ Ադրբեջանին ստիպելու համար կատարել միջազգային դատարանի որոշումը։

«Արցախում հայերի պաշտպանվածությունը պետք է լինի միջազգային ուշադրության կոնտրոնում։ Էթնիկ զտումների, ցեղասպանության կոնկրետ քաղաքականություն է իրականացնում Ադրբեջանը և սա այն արժքեներն են, որը չի կարող անտարբեր թողնել որևէ երկրի, որն իրեն քաղաքակիրթ է համարում և այս գործընթացը պետք է ամեն տեղ շարունակվի»,- ասաց նա։

Պատգամավորը նշեց, որ Պեմեզեկը շատ ավելի ճիշտ շահերի մասին է խոսում, մնայուն շահերի մասին է խոսում, ոչ թե անցողիկ, նավթ ու գազի, դա մի օր կավարտվի, կսպառվի, բայց դու մի օր կկորցնես շատ ավելի մեծ բան, քո արժեհամակարգը, որի վրա կառուցված է քո պետությունը, քո հասարակությունը, ամեն ինչ․

«Եթե անում ենք շահերի համեմատություն, այս շահը պետք է գերակշռի, մնայուն շահը պետք է գերակշռի, հարատև շահը պետք է գերակշռի։ Այս առումով  գործընթացները այդ ուղղությամբ է պետք զարգացնել։ Դժբախտաբար աշխարհը փոխվել է այնպես, որ հիմա ավելի շատ ոչ թե ստանդարտների կամ նորմերի վրա է կառուցվում հավասարակշռությունը, այլ՝ ուժերի բալանսի, ուժերի բալանսն էլ է խախտված, այն պետք է  վերականգնել։ Չի կարելի այսօր մտածել, որ կունենաս խաղաղություն, եթե համապատասխան ուժի կուտակում չէս իրականացրել՝ լինի արտաքին, թե՝ ներքին։ Այդ ուժերի բալանսի պայմաններում է, որ խաղաղությունը դառնում է երկկողմանի ընդունելի և շահերի պաշտպանությամբ հավասարակշռված։ Սա պետք է  հասկանալ։ Իսկ եթե չունես այդ ուժերի բալանսը, ենթակա ես միայն ճնշումների, դա խաղաղություն չէ, դա ստրկություն է։ Այս վիճակն է, որ ահազանգում են մեր ընկերները։ Հեռվից հեռու ավելի լավ են տեսնում, քան դժբախտաբար մեր շատ գործիչներ, ովքեր ապրում են գետնի վրա։ Այս ամեն ինչը կարողանում են ավելի խորքային ընկալել»,- ասաց նա։

Պատգամավորը նշեց, որ ամեն ինչ անշուշտ մեզնից  է կախված, մենք պետք է պայքար ցույց տանք, պայքարող ազգ դառնանք, որպեսզի մեզ պաշտպանեն․

«Պաշտպանում են իր իրավունքերի համար պայքարող ազգին, անհատին, այլ ոչ թե թուլացած, հանձնվող ոչ անհատին կպաշտպանեն, ոչ ազգին, ոչ էլ՝ ժողովրդին։ Նրանք պետք է տեսնեն, որ այստեղ մարտունակության ոգի կա, իրենց արժեհամակարգը կրող, իրենց իրավունքների համար պայքարող ժողովուրդ կա, թեկուզ փոքր են, բայց այդ համակարգը պահպանող ժողովուրդ են։ Իրենց պարտքը կհամարեն պաշտպանել իրենց նմաններին։ Դա նաև իրենց անվտանգության հարցն է լուծվում, եթե իրենք այստեղ տանուլ տան, այդ ոչ քաղաքակիրթ, բռնի ուժով  իրենց հարցերը լուծող պետությունները կշարժվեն դեպի Եվրոպա, կհասնեն մինչև իրենց տուն։ Մենք ենք, որ չենք տեսնում, որ այդ սահմանը գալու է հասնի Երևան, եթե զիջելով գնանք, վերջը Երևանում մեր տուն են մտնելու»,- ասաց նա։