Բանտարկված մարդը չպետք է նախագահի թեկնածու առաջադրվի. Էրդողանը` Դեմիրթաշին

Թուրքիայի նախագահ Ռեջեփ Թայիփ Էրդողանը ուղիղ եթերում հայտարարել է, որ բանտարկված մարդը չպետք է առաջադրվի նախագահի թեկնածու:

Ըստ Demokrathaber-ի` նա իր ելությում հերթական անգամ հիշել է քրդամետ Ժողովուրդների դեմոկրատական կուսակցության նախկին համանախագահ, այժմ բանտում գտնվող Սելահաթթին Դեմիրթաշին` նշելով, որ նա չպետք է առաջադրվի նախագահի պաշտոնում:

«Երբ նախագահի թեկնածու առաջադրվեց, նա բանտում էր: Դա ինքնին սխալ է: Իմ կարծիքով` բանտարկված մարդը չի կարող առաջադրվել, չպետք է առաջադրվի: Քանի որ այդ թեկնածությունը փախուստի ճանապարհ է: Մենք նրան ինչո՞ւ նման առիթ տանք»,- ասել է Էրդողանը` չթաքցնելով Դեմիրթաշին բանտում պահելու իր ջանքերը:

Նշենք, որ Դեմիրթաշը բանտում է Էրդողանի «շնորհիվ»: Նա կասկածվում է ռազմական հեղաշրջման փորձի և «ահաբեկչական» կազմակերպությունների հետ համագործակցելու մեջ: