Թուրքիայում նախագահի թեկնածուն բանտում այցելել է Դեմիրթաշին

Թուրքիայում ընդդիմադիր Ժողովրդահանրապետական կուսակցության կողմից արտահերթ ընտրություններում նախագահի թեկնածու առաջադրված Մուհարրեմ Ինջեն բանտում այցելել է քրդամետ Ժողովուրդների դեմոկրատական կուսակցության նախկին նախագահ Սելահաթթին Դեմիրթաշին:

Ըստ Demokarthaber-ի` այցի շրջանակներում անվտանգության հատուկ միջոցներ են ձեռնարկվել:

Այցի ընթացքում քննարկված թեմաների մասին տեղեկություններ չեն հաղորդվում:

Հիշեցնենք, որ Դեմիրթաշը կալանքի տակ է պահվում 2016 թվականի նոյեմբերի 4-ից: Նա մեղադրվում է Թուրքիայում ռազմական հեղաշրջման հետ կապեր ունենալու մեջ:

Թուրքիայում արտահերթ ընտրությունները կկայանան հունիսի 24-ին: