Ես կամ որդիս պետք է առաջադրվի, ես շահագրգիռ եմ` որդիս առաջադրվի. Գալուստ Սահակյան

Ովքեր այսօր մրցության մեջ են, ցանկանում են զբաղվել քաղաքական գործունեությամբ, քաղաքական գործիչներ չեն. խորհրդարանում լրագրողների հետ զրույցում հայտարարեց ՀՀԿ-ական պատգամավոր Գալուստ Սահակյանը: «Ես կարծում եմ, որ իր լիարժեք, բազմակողմ բնույթը չի կարող ունենալ այս խորհդարանը. նրանք, ովքեր այսօր հիմնականում մրցության մեջ են, ցանկանում են զբաղվել քաղաքական գործունեությամբ, բայց քաղաքական գործիչներ չեն»,- ասաց նա: 

Հարցին` կառաջադրվի՞ ՀՀԿ ռեյտինգային կամ համամասնական ցուցակով, Սահակյանը պատասխանեց. «Դեռևս որոշված չէ: Որտեղ որ բնակվում ենք` և' ես եմ այդտեղ բնակվում, և' իմ որդին է այդտեղ բնակվում, ես կամ իմ որդին պետք է դնենք: Ես շահագրգիռ եմ, որ իմ որդին դնի»:

Ըստ Սահակյանի` քաղաքական ուժերի մեջ փորձառու ուժեր չկան, որ կարողանան ընդդիմություն լինել: «Դա միայն ՀՀԿ-ն է: Մեր կուսակցությունը ստեղծվել է հենց այդ պայմաններում, հենց դրա համար, որպեսզի մենք կարողանանք պաշտպանել մեր երկրի անվտանգությունը: Հիմնական խնդիրը դա է լինելու»,- ասաց նա:

Հարցին էլ` դժվար չէ՞ 20 տարի իշխանություն ունենալուց հետո դառնալ ընդդիմություն, Սահակյանը պատասխանեց. «Ես կուզենայի, որ մեր ազգն անընդհատ իշխանություններ ունենար` 20 տարի կլինի, թե 151 տարի»: